親愛的你你你：
原本只是打了一堆字
後來想一想不如讀出黎俾你地聽
最近實在聽到太多不好既事發生
大家都總有傷心失意壓力爆煲既時候
我一直都係個對自己成績無乜要求既人
而我屋企人都無乜點對我成績過問
從來都無乜壓力唔洗留班就得架啦
記得中四果年個教chem既呀sir派完卷同我講：
「你話你有溫都考成咁，不如你drop左我果科佢啦！」
真係心入面十萬句粗口之後我就drop左佢啦lol
我chem考得唔好又點先我又唔係要做諾貝爾
記得唔好俾某D「為人師表」既打擊到
我生命中遇到好多好有心既老師
但總有幾個係 _ _ 黎既lol
但記得當時公開試放榜前一晚
我緊張到驚到D眼淚係咁滴落黎成個腦都空白哂
好似考得唔好就等於世界末日咁
（對於我呢類人都會覺得壓力咁大...)
活在香港既學生實在太大壓力啦
但你地要記得
攰 係 好 _ 正 常 既
呢個係一個病態既制度，病態既社會
當你見到身邊個個都好似覺得無問題既時候
其實大家都變到好病態而有問題果個一定唔係你
傷心唔洗抑制更唔係懶樂觀正面咁
情緒係一定要發洩出黎架！
我發洩既方法就係喊同唱歌或者喊住唱歌
想喊就用力喊出黎！
想傾就搵朋友傾！
放完榜我真係完全想像唔到之後既路會點
心諗今鋪真係「人生已完」
retake既一年亦係我開始拍youtube既一年
成日都會遇到俾人問「依～你依家讀緊咩架？」
我：「er....retake呀今年...」
但呢一年俾到我好多時間去發展下自己既興趣
我去學ukulele我識到好多朋友睇既野多左好多
我考過兩次DSE最後雖然入左一間自己都唔太中意既大學
但係我起碼讀緊一科自己感興趣既
拍左youtube就黎三年雖然成就不大
但係我起碼做緊自己中意既事
回想考DSE同放榜果時....
真係我差唔多係我人生最低潮啦
但依家過緊既生活都唔錯呀！
呢條就係我依家既路啦
畢業之後條路又係點？唔知架～
船到橋頭自然直既～
一切唔好既野都會過去既
做多D自己中意做既野就會覺得生命雖然係呢刻好似灰灰地但都有D意義既
發展下自己既興趣再ff下三年後既自己做緊D咩開心野
你依家食緊既屎我都食過
我知道有幾難食所以唔會叫你加油笑住食
食到頂唔順唔想食咪唔好食囉
又唔係食屎先會飽！
我食綠茶雪糕唔好？
business enquiry: jilting1210@gmail.com
facebook page: https://www.facebook.com/jiltingsinging
instagram: jilting
